ताप्लेजुङ,१० भदौ । ताप्लेजुङको खेवाङ गाविसमा दुई महिना अघि गएको पहिरो पन्छाउँंदै गर्दा लडेर एक जनाको मृत्यु भएको छ । आज दिउँसो करिव दुई बजे पहिरोले विगारेको खेवाङ १ तुङखेमा हँुंदै सिवाखोलातर्फ जाने बाटोमा खसेको पहिरो पन्छाउँंदै बाटो खन्ने क्रममा लडेर सुरुम्खीम ६ का ४७ वर्षीय खड्क बहादुर राईको मृत्यु भएको प्रहरीले बताएको छ । गत जेठ २७ र २८ गतेको भारी वर्षा पछिको पहिरोमा परी ताप्लेजुङको लिवाङ,खोक्लिङ,थिङलावु,लिङतेप,सान्थाक्रा लगायतका गाविसमा ३९ जनाको मृत्यु हुनका साथै २० जना वेपत्ता छन्।
