काभ्रे,४ भाद्र । काभ्रेको टुकुचा नाला–८ मा अविरल वर्षाका कारण घर भत्किएर एक दम्पतीको मृत्यु भएको छ । मृत्यु हुनेमा ४१ वर्षीय लक्ष्मण केसी र ३५ वर्षीया गीता केसी रहेको जिल्ला प्रहरी कार्यालयका प्रहरी नायब उपरीक्षक राजकुमार केसीले बताउनुभयो ।
नौ वर्षीय विजय केसी र १२ वर्षीय दिनेश कार्की घाइते भएका छन् । भूकम्पपछि ढुङ्गा र माटोको गारो लगाएर बनाएको घर निरन्तर वर्षाका कारण गएराती भत्किएको प्रहरीले जनाएको छ ।
