मोरङ,३ भाद्र । उत्तरी मोरङको बक्राहा खोलाको बाँध भत्किएर खोला बस्तीतर्फ पस्दा ८५ परिवार विस्थापित भएका छन् । गयराति मधुमल्ला ५ कसेनीमा बनाइएको बाँध खोलाले भत्काएको हो । गत असार १५ गते दुई ठाउँबाट बाँध भत्किएर खोला गाउँमा पसेको थियो ।
फेरि खोला गाउँ पस्दा वडा नम्बर ५,६, र ८ का घर डुबानमा परेका छन् । इलाका प्रहरी कार्यालय उर्लाबराीका अनुसार विस्थापित ८५ परिवार आफन्तको आश्रय लिएर बसेका छन् । उनीहरुलाई कसरी सहयोग गर्ने भन्ने विषयमा छलफल भइरहेको बताइएको छ । अघिल्लो पटक पनि खोला गाउँमा पस्दा ठूलो धनजनको क्षति भएको थियो ।
