ललितपुर,१ भाद्र । ललितपुरको गोदावारीमा प्रत्येक १२ वर्षमा लाग्ने गोदावरी सिंहस्त महामेला आजदेखि सुरु हूँदैछ । गोदावारीस्थित मातातिर्थमा भदौ महिनाभरी लाग्ने मेलामा महास्नान, महाध्यान र महाज्ञानको व्यवस्था गरिएको आयोजकले जनाएको छ ।
यसअघि २० लाख भन्दा बढी दर्शनार्थीहरुको सहभागीता रहेको महामेलामा यस वर्ष ५० लाखभन्दा बढी सहभागी हुने अनुमान गरिएको छ । महामेलाको व्यवस्थापन प्रमुख जिल्ला अधिकारी यादवप्रसाद कोइरालाको नेतृत्वमा एक हजार एक सदस्यीय मुल व्यवस्थापन समितीले गर्नेछ ।
मेलामा स्नानका लागि २२ हजार क्षेत्रफलको कुण्ड व्यवस्था गरिएको छ भने सुरक्षाका लागि करिब १ सय ५० नेपाल प्रहरी, सशस्त्र र ट्राफिक प्रहरी परिचालन गरिनेछ । यसैगरी २५ जना स्वास्थयकर्मीहरुको टोली पनि मेलामा सक्रिय हुनेछ । महामेला लाग्ने अवधीभर सो क्षेत्रमा मांस तथा मदिरा निषेध गरिएको आयोजकले जनाएको छ ।
