प्रेम नेपाली
कास्की,२९ साउन । नेपाली कांग्रेस कास्कीका नेता रामजी पौडेलको हत्या भएको छ । लेखनाथ–१ पावरहाउस घर भएका पौडेलको शव पृथ्वीराजमार्ग नजिकैको भीरमा भेटिएको स्थानीयले बताएका छन् । उहाँको हात, घाँटीमा चोट देखिएकोले आफन्तहरुले हत्या भएको भन्दै घटनाको छानबीन माग गरेका छन् ।
हत्याको विरोधमा उनीहरुले पृथ्वीराजमार्गमा चक्काजाम गरेका छन् । आक्रोसित भीडले बा १२ च ३२८० नम्वरको निजी मारुती सुजुकी गाडी जलाई दिएका छन् । यसैबीच, पौडेलको हत्यामा संलग्न भएको अभियोगमा राजु रानाभाटलाई प्रहरीले प्रक्रेको छ । हत्यामा संलग्नताको आंशका गरिएका अरु तीन जनाको खोजी भइरहेको प्रहरीले जानकारी दिएको छ ।
