काठमाडौं,२८ साउन । मकवानपुरमा भएका दुई छुट्टाछ्ुट्टै सवारी दुर्घटनामा परी ३ जनाको मृत्यु भएको छ । विरगञ्जबाट काठमाडौँ आउँंदै गरेको मिनी ट्रक मकवानपुरको थाहामा दुर्घटना ह २ जनाको घटनास्थलमै मृत्यु भएको हो ।
मृत्यु हुनेमा ट्रक चालक २५ वर्षीय राजेश लामा र सहचालक १७ वर्षीय रामकुमार बल रहेका छन् । चामल लिएर आउँंदै गरेको ना ३ ख ९८९३ नम्बरको ट्रक अनियन्त्रित भइ सडकबाट एक किलोमिटर तल खस्दा दुर्घटना भएको इलाका प्रहरी कार्यलय पालुङले जनाएको छ ।
यस्तै हेटौडामा ट्रक र अन टेष्ट पिक अप भ्यान आपसमा ठोक्किँदा १ जनाको मृत्यु भएको छ । मृत्यु हुनेमा पिक अप भ्यानमा सवार भारतीय नागरिक ननक सहनी रहेको प्रहरीले जनाएको छ । दुर्घटनामा परी पिक अप चालक दिनेश थारु गम्भिर घाइते भएका छन् ।
