एजेन्सी,२८ साउन । अमेरिकाका पूर्व राष्ट्रपति जिम्मी कार्टरलाई क्यान्सर भएको छ । हालै भएको लिवरको अपरेसनपछि आफुमा क्यान्सर भएको उहाले बताउनुभएको हो । ९० वर्षीय कार्टरले आफ्ना अन्य अंगमा क्यान्सर फैलिएको बताउनुभएको बिबिसीले उल्लेख गरेको छ ।
कार्टरको यसै महिना लिवरको अपरेसन गरिएको थियो । अमेरिकी राष्ट्रपति बाराक ओबामाले एक वक्तव्य जारी गर्दै उहाको स्वास्थ्य लाभको कामना गर्नुभएको छ । उहाँंले हिजो कार्टरसँग भेटवार्ता गर्नुभएको पनि ह्वाइट हाउसलाई उदृत गर्दै बिबिसीले जनाएको छ ।
