रत्नप्रसाद आचार्य
सुनसरी,२८ साउन । सुनसरीको धरानका एक व्यापारीको अपहरण गरी फिरौती रकम माग गर्ने योजना बनाएका तीन जनाको समुहलाई प्रहरीले पक्राउ गरेको छ । धरानका व्यपारी मनोज अग्रवाललाई गोलीसहितको पत्र पठाएर हत्या गर्ने धम्की दिने समुहलाई पक्राउ गरी इलाका प्रहरी कार्यालय धरानले सार्बजनिक गरेको हो ।
पक्राउ पर्नेमा धरान ५ का कमल अग्रवाल, धरान ७ का प्रविण ठकुरी र धरान १७ का शिव शाक्य रहेका छन् । उनीहरुले मनोज अग्रवालको परिवारलाई अपहरण गरी गोली हान्ने योजना बनाई रहेको अबस्थामा पक्राउ गरीएको इलाका प्रहरी कार्यालय धरानका डिएसपी सुदमकुमार सिजापतीले बताउनुभयो ।
