काठमाडौं,२७ साउन । काठमाडौंको त्रिचन्द्र क्याम्पस अगाडि माइक्रो बसको ठक्करबाट एक व्यक्तिको मृत्यु भएको छ । जेब्रा क्रेसिङबाट बाटो काटिरहेको अवस्थामा बा १ ज ९१३६ नम्बरको माइक्रो बसको ठक्करबाट ओखलढुंगा बिगुटारका २६ वर्षीय नाम्गेल शेर्पाको मृत्यु भएको प्रहरीले जनाएको छ ।
माइक्रोले ठक्कर दिएपछि घाइते भएका शेर्पाको काठमाडौं मोडल अस्पतालमा उपचारका क्रममा निधन भएको हो । ठक्कर दिएर पैदलयात्रुलाई घाइते बनाएपछि आक्रोसित त्रिचन्द्र क्याम्पसका विद्यार्थीले माइक्रो बसमा आगजनी गरेका छन् । आगजनीबाट माइक्रो बस पूर्णरुपमा जलेर नष्ट भएको छ । शेर्पा वैदेशिक रोजगारीका लागि मलेसिया जाने तयारीमा रहेको प्रहरीको भनाइ छ ।
