काठमाडौं,२६ साउन । अखण्ड मध्यपश्चिम र कर्णाली स्वायत्त राज्यको माग गर्दै आन्दोलन चर्किएपछि आज पनि मध्यपश्चिम र सुदुरपश्चिमका विभिन्न जिल्लाको जनजीवन प्रभावित भएको छ । हिजो हिंसात्मक प्रर्दशन भएको सुर्खेतमा अहिले अवस्था सामान्य भएपनि बजार पसल बन्द छन् भने कलकारखाना, शैक्षिक संस्था खुलेका छैनन् । प्रदर्शनका क्रममा हिजो मृत्यु भएका ३ जनाको सम्झनामा आज श्रद्धाञ्जली सभाको आयोजना गरिएको छ ।
अहिले केहिबेरपछि हुने सभालाई मध्यनजर गर्दै सुर्खेतका मुख्य ठाउँमा सुरक्षा व्यवस्था कडा बनाइएको छ । यस्तै कर्णाली स्वायत्त राज्यको माग गर्दै आज पनि मुगु लगायतका जिल्लामा प्रदर्शनको तयारी गरिएको छ । अहिले त्यहाको अवस्था सामान्य भएपनि प्रदर्शनकारीहरुले बिहान १० बछि बन्दको घोषणा गरी आन्दोलन गर्ने तयारी गरेका छन् ।
