क्रान्ति शाह
.jpg)
परासी,२२ साउन । पर्साको सुर्वणपुर गाविसमा गएराति जंगली हात्तीले उपद्रो मच्चाएको छ । पर्सा वन्यजन्तु आरक्षको जंगलबाट आठ वटाको संख्यामा हिजो बेलुकी आठ बजे मानववस्तीमा छिरेको हात्तीको बथानले सुर्वणपुर गाविसको वडानम्बर १ , २ र ३ मा रातभर आतंक मच्चाएको स्थानीयवासीले बताएका छन् ।
जंगली हात्तीको बथानले स्थानीय नर बहादुर श्रेष्ठ , डम्मर बहादुर खडका , शरण बहादुर श्रेष्ठ,मान बहादुर खडका लगायत गरि करिब २० भन्दा बढी किसानहरुले लगाएको धान र मकै बाली खाएर तथा माडेर नष्ट पारिदिएको चोरी शिकारी नियन्त्रण समिति सुर्वणपुर अध्यक्ष देवी प्रसाद दाहालले बताउनुभयो ।
