एजेन्सी,२२ साउन । पाकिस्तानमा सेनाको एक हेलिकप्टर दुर्घटना हुँंदा कम्तीमा १२ जनाको मृत्यु भएको छ । पाकिस्तानको उत्तर पश्चिम ईलाकामा चिकित्सक र औषधि लिएर जाँंदै गरेको सो हेलिकप्टर पख्तुनख्वा प्रान्तको एक पहाडमा ठोक्किएर दुर्घटनामा परेको अधिकारीहरुले जनाएका छन् ।
राबलपिण्डिबाट बाढी तथा पहिरो पीडितहरुलाई सहयोगार्थ उडान गरेको हेलिकप्टर नै दुर्घटनामा परेको पाकिस्तानी सेनाले पुष्टि गरेको छ । यसैबिच पाकिस्तानको उत्तरी प्रान्त वजिरिस्तानमा अमेरिकी सेनाको डोन आक्रमणमा कम्तीमा ५ जना मारिएका छन् ।
आक्रमणमा अन्य ३ जना घाईते भएका छन् । सो क्षेत्रमा लुकेर रहेका आतंकबादी नेताहरु माथि लक्षित सो कारबाहिमा अमेरिकी सेनाले २ बटा मिसाईल आक्रमण समेत गरेको अमेरिकी सेनाले जनाएको छ । तयस्तै पाकिस्तान र अफगानिस्तानको सिमामा पनि अमेरिकी सेनाले केहि हमला गरेको अधिकारीहरुले जनाएका छन् ।
