अन्नपूर्ण
भक्तपुर, २० साउन । एसएलसी पूरक (मौका) परीक्षा आजदेखि सुरु गरेको छ। परीक्षा नियन्त्रण कार्यालय सानोठिमीले विसं २०७१ को एसएलसी परीक्षामा दुई विषयसम्म अनुत्तीर्ण हुने परीक्षार्थीका लागि मौका परीक्षा सञ्चालन गरेको हो।
परीक्षा नियन्त्रक विष्णुबहादुर द्वारेका अनुसार कुल एक लाख २४ हजार २५१ जना परीक्षार्थी सहभागी भएका छन्। परीक्षाका लागि कार्यालयले देशभर कुल २४७ परीक्षा केन्द्र निर्धारण गरिएको छ।
परीक्षामा एक विषयमात्रै परीक्षा दिने ५५ हजार ४७४ जना र दुई विषयमा परीक्षा दिने ६८ हजार ७७७ जना रहेको छ। बिहान ८ देखि ११ बजेसम्म सञ्चालन हुने परीक्षा साउन २७ गते सम्पन्न हुनेछ।
