काठमाडौं,१८ साउन । टि २० विश्वकप छनौट र विश्व क्रिकेट लिग च्याम्पियनसीप खेलेर नेपाली टोली आज स्वदेश फर्कन्दैछ । लामो युरोप बसाईपछि नेपाली टोली नेपाली समय अनुसार दिउँसो साढे ४ बजे काठमाडौ ओर्लिनेछ ।
विश्वकप छनौट र च्याम्पियनसिपमा आशातित प्रर्दशन गर्न नसकेको नेपाली टोलीले टि २० विश्वकप छनौटमा खेलेका ६ मध्ये १ मा मात्र जित हासिल गरेको थियो । एक खेल बर्षाले अवरुद्ध भएपछि अंक बाढेको नेपालले बाँकी सबै खेल गुमाएको थियो । विश्व क्रिकेट लिग च्याम्पियनसिपका दुवै खेलमा नेपाल घरेलु टोली स्कटल्याण्डसंँंग पराजित भएको थियो ।
नेपाली टोली एक साताको बिश्रामपछि आगामि महिना घरेलु मैदानमा हुने पपुवा न्यु गिनी विरुद्धको विश्व क्रिकेट च्याम्पियनसिपको तयारीमा लाग्ने क्रिकेट एसोसिएसन अफ नेपाल क्यानले जनाएको छ ।
