एजेन्सी,१७ साउन । म्यानमारमा आएको बाढीका कारण कम्तीमा २७ जनाको मृत्यु भएको छ । केहि दिनयता लगातार बर्षा पछि त्यहाँंका ४ क्षेत्रमा आपतकालिन अवस्थाको घोषणा गरिएको छ । बाढीमा अन्य दर्जनौ हराइरहेको अधिकारीहरुले जनाएका छन् । बाढीका कारण प्रभावित बनेका हजारौ सर्बसाधारण गुम्बामा शरण लिइ रहेकाछन् ।
यसैबिच बाढीबाट प्रभावित रोहिग्या मुसलमान समुदायलाई शरण दिन सार्वजनिक स्थल र विद्यालयहरुले अस्विकार गरेका छन् । बाढीबाट अति प्रभावित १ लाख ४० हजार अल्पसंख्यक रोहिग्या मुसलमानहरु संयुक्त राष्ट्रसंघको कार्यालयमा शरणका लागि पुगेको अन्तराष्ट्रिय सञ्चारमाध्यमहरुले जनाएका छन् ।
