आज विश्व मित्रता दिवस

काठमाडौं,१७ साउन । नेपाललगायत विश्वरभर आज मित्रता दिवस मनाइदैछ । सन् १९३६ देखि संयुक्त राज्य अमेरिकामा राष्ट्रिय मित्रता दिवसको औपचारिक सुरूवात भएपछि अहिले विश्वभर यसको प्रचलन र लोकप्रियता बढ्दै गएको छ । मित्र र मित्रताप्रति समर्पित हुने यो दिवस अमेरिकामा राष्ट्रिय दिवसको रुपमा मनाइन्छ ।

प्रत्येक वर्ष अंग्रेजी महिना अगष्टको पहिलो आइतबार यो दिवस मित्र र मित्रताप्रति समर्पित छ । पछिल्लो केही वर्ष यता नेपालमा पनि साथीभाइसँग भेटघाट तथा शुभकामना आदानप्रदान गर्दै यो दिवस मनाउने क्रम बढ्दै गएको छ ।