विराटनगर , १४ साउन । विराटनगरमा आज देखि औपचारिक रुपमा अन्तर्राष्ट्रिय चातुर्मास सुरु भएको छ । चातुर्मासका लागि जैन धर्मका गुरु आचार्य श्री महाश्रमण गत साउन ६ गते नै विराटनगर आइसक्नु भएको छ ।
आजदेखि औपचारिक रुपमा चातुर्मास सुरु हुने अन्तर्राष्ट्रिय चातुर्मास व्यवस्था समितिका संयोजक मालचन्द सुरानाले वताउनुभयो । चार महिना सम्म चल्ने चातुर्मासमा २९ देशवाट १० लाख धर्मावलम्वीहरु आउने आयोजक समितिले दावी गरेको छ । चातुर्मासमा आउने पाहुनाका लागि विराटनगरमा ६ सय अस्थायी आवास निर्माण गरिएको छ ।
