हरि शर्मा
नवलपरासी, साउन १२ : पूर्व पश्चिम राजमार्ग अन्तर्गत नवलपरासीको गैडाकोटस्थित जयश्री पुल भाँचिन पुग्दा ठप्प भएको सवारी आगमन अहिलेसम्म सञ्चालनमा आउन सकेको छैन ।
हिजो साँझदेखि अवरुद्ध बनेको राजमार्ग खुलाउनेतर्फ पहल नहुँदा बुटवलबाट पूर्व जाने सवारी साधन र नारायणगढबाट पश्चिम जाने सयौ सवारी साधन र हजारौ यात्रुहरु अलपत्र छन् । जसका कारण लामोदुरीका सवारी साधनहरु पोखराहुँदै आवतजावत गरेका छन् ।
जीर्ण अवस्थमा रहेको उक्त पुल लच्कीएको छ । वैकल्पिक बाटो बनाउ र सडक सुचारु गर्नका लागी अहिले विहान बुटवलस्थित सडक भिडिजन कार्यालयबाट हेक्साभेटर र लोडर पठाउने कार्य भइरहेको प्रहरीले जनाएको छ । तीनवर्ष अघि पनि पुल भत्किएकाले मर्मत गरेर सञ्चालनमा ल्याइएको थियो । तर सो समयमा सामान्य मर्मत गरिएकाले पुल जोखिममै थियो । पटक पटक नयाँ पुल बनाउनुपर्ने माग उठेपनि पहल हुन सकेको थिएन ।
