काठमाडौं,६ साउन । विदेशबाट अवैधरुपमा ल्याएको सुनसहित दुईजनालाई प्रहरीले त्रिभुवन विमानस्थलबाट पक्राउ गरेको छ । गएराति कतार एयरवेजको उडानबाट दुबई हुँदै काठमाडौं आएका नवलपरासीका २३ वर्षीय रामचन्द्र थनेतलाई विमानस्थल सुरक्षा प्रहरीले ८ सय ७५ ग्राम सुनसहित पक्राउ गरेको हो ।
भन्सार चेक गर्ने क्रममा डिभीडी प्लेयरको टासफर्म भित्रको क्वायलमा लुकाई छिपाई ल्याएकोसुन फेला परेपछि प्रहरीले पक्राउ गरेको जनाएको छ । त्यस्तै फ्लाई दुबईको उडानबाट गएराति नै काठमाडौं आएका पर्वत बेटुलीबासका दिल्लीराम बस्याललाई पनि प्रहरीले पक्राउ गरेको छ। बस्यालले अन्दाजी ७ सय ५५ ग्राम सुन अवैध रुपमा लुकाई छिपाई ल्याएका थिए । पक्राउ परेका दुवैलाई थप अनुसन्धान भैरहेको प्रहरी स्रोतले जनाएको छ ।
