​आत्मघाती कार बम बिष्फोटमा १४ जनाको मृत्यु

एजेन्सी,६ असार । इराकको राजधानी बगदादमा भएको आत्मघाती कार बम विष्फोटमा परी कम्तीमा १४ जनाको मृत्यु भएको छ । विष्फोटमा परि ३० भन्दा बढी घाइते भएका छन् । बग्दादको एक व्यस्त पोशाक भण्डारन नजिक सो विष्फोट भएको इराकी अधिकारीहरुले बताएका छन् ।

घाइते मध्ये दर्जनभन्दा बढीको अवस्था गम्भीर रहेको अधिकारीहरुलाई उदृत गर्दै बीबीसीले जनाएको छ । घटनाको जिम्मेबारी कसैले नलिए पनि आईएस विद्रोहीले गराएको हुनसक्ने अनुमान अधिकारीहरुले गरेका छन् ।