खोटाङ: चट्याङ लागेर खोटाङमा आइतबार साँझ एकको ज्यान गएको छ। पानीसँगै परेको चट्याङले दुर्छिम-४ चुमाखुका १८ वर्षीय एवीन्द्र राईको घटनास्थलमै मृत्यु भएको हो।
हलेसीबाट घर फर्कने क्रममा दुर्छिम-३ स्थित सहकाली प्राविको प्राङ्गणमा पुगेका बेला चट्याङ लागेका राईको घटनास्थलमै मृत्यु भएको स्थानीय तामन राईले जानकारी दए।
एवीन्द्रसँगै रहेका दुर्छिम–४ का २८ वर्षीय युवराज राई र ३२ वर्षीय टङ्कबहादुर राई गम्भीर घाइते भएका छन्। घाइतेको स्थानीय स्वास्थ्य संस्थामा उपचार भइरहेको छ। रासस
