​पर्सामा जंगली हात्तीको आतंक

क्रान्ति शाह 
पर्सा,४ साउन । पर्साको सुवर्णपुर गाविस वडा नम्बर ९ बागमोर्चामा ८ फेरि जंगली हात्तीले आतंक मच्चाएको छ । गाँउ नजिकै रहेको पर्सा वन्यजन्तु आरक्षको जंगलबाट गएराति सवा नौ बजे तिर १५÷१६ वटाको संख्यामा रहेको हात्तीको बथानले मानव वस्तीमा छिरेर किसानहरुले लगाएको धान र मकै बालीमा क्षति पुरयाएको छ ।

गाँउमा जंगली  हात्तीले रातभर उपद्रो मच्चाए पछि हात्ती धपाउनका लागि सशस्त्र प्रहरी बेस क्याम्प सुवर्णपुर ,पर्सा वन्यु जन्तु आरक्षमा रहेको नेपाली सेनाको गडुवालाइन पोष्ट र  प्रहरी चौकी सुर्वणपुरमा पटक पटक खबर गर्दा समेत सुनुवाइ नभएको स्थानीयवासीले बताएका छन् । गाँउले आफैले मशाल बालेर र टिन ठटाएर हात्तीको बथानलाइ जंगलतर्फ धपाइएको चोरी शिकारी नियन्त्रण समिति सुर्वणपुरका अध्यक्ष देवी प्रसाद दाहालले बताउनुभयो ।