एजेन्सी,३ साउन । भारतको नयाँ दिल्लीमा एक भवन भत्किदा कम्तीमा ५ जनाको मृत्यु भएको छ । सो घटनामा परि ६ भन्दा बढी पुरिएको र १० जना घाइते भएको भारतीय सञ्चारमाध्यमहरुले जनाएका छन् । चार तले सो भवनभित्र ३० भन्दा बढी मानिस रहेको बेला एक्कासी भत्किएको थियो ।
सो भवन भत्किनुको कारण यकिन नभएपनि पुरानो भवन भएकाले भत्किएको हुनसक्ने अनुमान गरिएको छ । घटनाको सम्बन्धमा थप अनुसन्धान भइरहेको भारतीय अधिकारीहरले बताएका छन् ।
