काठमाडौं,३ असार । भुकम्प प्रतिरोधी घर निर्माणका बारेमा जानकारी दिन राधानीमा आयोजित प्रिफेब एक्स्पो आज सकिदैछ । दरबारमार्गस्थित होटल अन्नपूर्णमा आयोजित एक्स्पो भुकम्प प्रतिरोधी आवास, कार्यलय तथा आवश्यक सामग्री निर्माणको बारेमा जानकारी दिने क्रम आज पनि जारी रहने छ ।
फक्स एडभरटाइजिङको आयोजनामा हिजो सुरु भएको एक्स्पोमा निशुल्क प्रवेशको व्यवस्था मिलाइएको छ । प्रिवेबाट बनाइएको भवनहरुको दिगोपन, यसको उपलब्धता र यस सम्बन्धी दक्ष जनशक्तिको अवस्थाका बारेमा एक्स्पोमा जानकारी गराइने आयोजक फक्स एडभरटाइजिङले जनाएको छ । एक्स्पोको हिजो उद्योगकमन्त्री महेश बस्नेतले उदघाटन गर्नुभएको थियो ।
