दिल्ली,१ साउन । भारत भ्रमणमा रहनुभएका एकीकृत माओवादीका अध्यक्ष पुष्पकमल दहालले आज उच्चस्तरीय भेटवार्ता गर्दै हुनुहुन्छ । उहाले आज भारतीय राष्ट्रपति प्रणव मुखर्जी, प्रधानमन्त्री नरेन्द्र मोदी तथा वरिष्ठ मन्त्री राजनाथ सिंहसँग भेटवार्ता गर्ने कार्यक्रम रहेको देल्लीबाट अन्नपूर्णकर्मी आकांक्षा शाहले जनाएकी छन् ।
पाँच दिने भ्रमणका लागि गएको मंगलबार भारत पुग्नुभएका उहाँंले हिजोसम्म विभिन्न कार्यक्रममा सहभागी हुनुभएको थियो । नयाँ दिल्लीस्थित एक होटलमा रहनुभएका अध्यक्ष दहालले राष्ट्रपति तथा प्रधानमन्त्रीसँगको भेटवार्ता हिजो साँझ मात्र तय गर्नुभएको हो ।
देशमा संविधान निर्माणको प्रक्रिया तिव्र गतिमा अघि बढेका बेला भारत जानुभएका उहाले त्यहाका शिर्ष नेताहरुसँग भेटवार्ता गर्नुका साथै विभिन्न कार्यक्रममा सहभागी हुन अझै केहि दिन रहने जनाइएको छ
