​ हेटौँडा कुलेखानी सडक अवरुद्ध

हेटौडा,३१ असार । अविरल वर्षाले हेटौँडा कुलेखानी सडकखण्डको सिस्नेरीमा पहिरो जाँदा हेटौँडा कुलेखानी सडक अवरुद्ध भएको छ । हेटौँडा, कुलेखानी –काठमाडौँ आउने÷जाने यातायातका साधनहरु बिहानै त्रिभुवन राजपथबाट सञ्चालन गरिएको जिल्ला प्रहरी कार्यालय मकवानपुरले जनाएको छ ।

मौसम अनुकूल भएमा दिउँसोबाट पहिरो हटाई काठमाडौँ–हेटौँडा र हेटौँडा–काठमाडौँ यातयात सेवा सञ्चालन गर्ने तयारी भइरहेको मकवानपुरका प्रमुख जिल्ला अधिकारी रामप्रसाद थपलियाले बताउनुभयो । हेटौँडा कुलेखानी सडकअन्तर्गत दैनिक ७ सय ५० वटा सुमो जिपसञ्चालन हुँदै आएको छ ।