काठमाडौं,२८ असार। टि २० विश्वकप छनौट क्रिकेटको तेश्रो खेलमा आज नेपालले आयोजक आयरल्याण्डसँंंग प्रतिस्पर्धा गर्दैछ । विश्वकप क्रिकेटको ढोका खोल्न आजको प्रतिस्पर्धा दुवै टोलीका लागि महत्वपूर्ण मानिएको छ । आजको प्रतिस्पर्धा समुह बिजेताको टुंगो लगाउने प्रतिस्पर्धाको रुपमा हेरिएको छ । यसअघिका दुवै खेल जितेको आयोजक आयरल्याण्ड, समुह ए को शीर्ष स्थानमा छ भने एकमा जित र एक बराबरी खेलेको नेपाल समुहको दोश्रो स्थानमा छ ।
खेल नेपाली समयअनुसार साँझ ७ बजे बेलफास्टमा हुनेछ । आजै नामिबिया र अमेरिका, हङकङ र पपुवा न्युगिनी तथा अफगानिस्तान र केन्याबिच पनि प्रतिस्पर्धा हुनेछ । यसअघि हिजो सम्पन्न खेलहरुमा स्कटल्याण्डलाई पराजित गर्दै अफगानिस्तानले तेश्रो जित दर्ता गर्दे विश्वकप क्रिकेट नजिक पुगेको छ । त्यस्तै क्यानडामाथि ७ विकेटको जित निकाल्दै ओमानले पहिलो जित दर्ता गरेको छ ।
हिजै सम्पन्न तेश्रो खेलमा युएई माथि ७ विकेटको जित निकाल्दै नेदरल्याण्डसले विश्वकप प्रवेशको संभावना जिवितै राखेको छ । यता जर्सिमाथि २४ रनको जित निकाल्दै पपुवा न्युगिनीले २ अंक जोड्दा अमेरिका माथि आयोजक आयरल्यण्डले ४६ रनको प्रभावशाली जीत दर्ता गरेको थियो ।
