एजेन्सी, २७ असार । अफगानिस्तानमा पछिल्लो ४८ घण्टामा विद्रोहीविरुद्ध सेनाले गरेको कारबाहीमा कम्तीमा २ सय १६ जनाको मृत्यु भएको छ । मारिनेमा इस्लामिक स्टेट आईएसका वरिष्ठ नेता हाफिज सईदसमेत रहेको अन्तर्राष्ट्रिय सञ्चारमाध्यमहरुले जनाएका छन् ।
विद्रोहीविरुद्ध देशका विभिन्न स्थानमा अमेरिकी नेतृत्वको टोली र अफगान सुरक्षाकर्मिले आक्रमण तिब्र पारेका थिए । अईएस नेता सर्यदको भने अमेरिकी ड्रोन आक्रमणमा परि मृत्यु भएको बीबीसीले जनाएको छ । संर्घषका क्रममा १२ सैनिकको समेत मृत्यु भएको अफगान अधिकारीहरुले बताएका छन् ।
यता पाकिस्तानमा सैनिक चेकपोष्टमा गरिएको आक्रमणमा परि ४ सैनिक र ९ बिद्रोहिको मृत्यु भएको छ । दक्षिणी बजिरिस्तानमा भएको सो आक्रमणमा परि अन्य दर्जनौ घाईते भएको पाकिस्तानी अधिकारीहरुले जनाएका छन् ।
