रामबाबु यादव
सिरहा,२४ असार: पोखरीमा डुबेर एक बालकको मृत्यु भएको छ । मृत्यु हुनेमा गोलबजार नपा– ३ जमदहका अनशिल सदायका ७ वर्र्षीय छोरा राजेश रहेको इलाका प्रहरी कार्यालय गोलबजारले जनाएको छ । गाउँ नजिकै रहेको मुलखोला बाँध पोखरीमा साथीहरुसँग बुधबार अपरान्ह नुहाउन गएका राजेशको पोखरीमा डुबेर वेपत्ता भएको प्रहरीले जानकारी दिए । प्रहरीका अनुसार हिजै लापत्ता भएका बाललको शव आज बिहान मात्र फेला परेको हो ।
हिजो बेलुकातिर खोजतलास गरेपनि बालक फेला पर्न सकेन । आज बिहान मात्र पानीमाथि तैरिरहेको अवस्थामा बालक भेटिएको लामाले बताए । बालकको शव पोष्ठमार्टमको लागि लहानस्थित रामकुमार सारडा उमाप्रसाद मुरारका स्मारक अस्पताल लगिएको इलाका प्रहरी कार्यालय गोलबजारले जनाएको छ ।
