अछाम,२२ असार । अछाममा भीरबाट लडेर एकको ज्यान गएको छ । आज दिउँंसो अछाम सदरमुकाम मंगलसैन ३ बिसाकोटका ५५ वर्षीय कृष्णबहादुर साउँदको स्थानिय घाद्ये भीरबाट लडेर मृत्यु भएको हो । बिहानको खाना खाएर छोरीसँगै घाँस काट्न गएका कृष्णको चिप्लिएर ज्यान गएको स्थानीय एकेन्द्र साउँदले जानकारी दिनुभयो । बर्षायाममा अछाममा बर्षेनी भीर तथा रुखबाट लडेर थुप्रै मानिसले ज्यान गुमाउने गरेका छन् ।
