महिला विश्वकप फुटवलको उपाधिका अमेरिकाले जितेको छ । डिफेन्डिङ च्याम्पियन जापानमाथि ५– २ को जित निकाल्दै अमेरिका तेश्रो पटक महिला विश्व च्याम्पियन बनेको हो । खेलको सुरुवातदेखिनै आक्रामक बनेको अमेरिकाले तेश्रो मिनेटमै अग्रता लिएको थियो ।
त्यसको २ मिनेटमा अग्रता दोब्बर बनाएको अमेरिकाले पहिलो हाफको १४ औ र १६ औ मिनेटमा गोल गर्दै ४–० को अग्रता बनाएको थियो । तर खेलको २७ औ मिनेटमा १ गोल फर्काउदै जापानले खेलमा फर्कने संकेत देखाएको थियो ।
दोश्रो हाफको सातौ मिनेटमा जापानले गोल गर्दै संकेतलाई जिवितै राखे पनि २ मिनेटमै अमेरिकाले थप गोल गरेपछि जापानको आशा सकिएको थियो । अमेरिकाका लागि कार्लि लियोडले ह्याट्रिक गरेकी थिइन् ।
