पेनाल्टी सुटआउटमा अर्जेन्टिनामाथि ४–१ को नतिजा निकाल्दै आयोजक चीलीले कोपा अमेरिका कप फुटबलको उपाधि जितेको छ । निर्धारित र थप गरिएको समय पनि गोल रहित बराबरीमा सकिएपछि ट्राईबेकरमार्फत उपाधि बिजेताको टुङगो लगाइएको हो ।
अर्जेन्टिनामाथि ५७ प्रतिशत बल आफ्नो पक्षमा पार्दै दबाब बढाएको आयोजकले केहि अवसर भने खेर फालेको थियो । पेनाल्टीट सुट आउटमा अर्जेन्टिनाका लियोनल मेसिले मात्र गोल गरेका थिए । ४ पटक फाईनलमा पुगेपनि आयोजक चीलीको यो नै पहिलो उपाधि हो ।
उता ईङल्याण्डले महिला बिश्बकप फुटबलको तेश्रो स्थान हात पारेको छ । गएराती सम्पन्न खेलमा जर्मनी माथि १–० को जित निकाल्दै उसले प्रतियोगिताको तेश्रो स्थान हासिल गरेको हो । निर्धारित समय गोलरहित बराबरीमा सकिएपनि अतिरिक्त समयको तेश्रो मिनेटमा गोल गर्दै उसले प्रतियोगितामा सुखद अन्त्य गरेको हो ।
