भानुभक्त आचार्य
हेटौडा,१६ असार । भारतीय सवारीसाधनमा ठूलो परिमाणको चरेस भारतीय बजारमा लैजाँदै गरेको अवस्थामा दुई जना भारतीय नागरिकलाई मकवानपुरको प्रहरीले पक्राउ गरेको छ । हेटांैडाबाट वीरगंजतर्फ जाँदै गरेको बीआर २९ बी ५९२९ नम्बरको जीपमा १ सय ३५ किलोग्राम चरेश बरामद गरेका जिल्ला प्रहरी कार्यालय मकवानपुरले जनाएको छ ।
हेटौंडा–९ पशुपतिनगर इलाका प्रहरीले सवारी दर्ता गराउन खोज्दा भागेपछि प्रहरी नायब निरीक्षक सुन्दर कार्की र प्रहरी जवान नाजिर हुसैनले पिछा गरेर रातोमाटे चेकपोष्टबाट गाडीलाई नियन्त्रणमा लिएको मकवानपुरका प्रहरी प्रबक्ता डिएसपी शीशु शर्माले जानकारी दिनुभयो । चरेश ओसार्न प्रयोग भएको जीपसहित भारत मोतिहारीका ३४ बर्षीय बलिराम दास र नरकटियागंजका ४० बर्षीय असर्फुल मियाँलाई पक्राउ गरेको शर्माले बताउनुभयो । बरामद चरेशको बजारमूल्य करिब ५० लाख रुपैयाँ रहेको छ ।
