एजेन्सी,१४ असार । पाकिस्तानविरुद्धको दोस्रो टेष्ट क्रिकेटमा श्रीलंका ७ विकेटले विजयी भएको छ । १ सय ५३ रनको सामान्य लक्ष्य श्रीलंकाले ३ विकेट गुमाइ भेट्टाएको हो । योसँगै ३ म्याचको सिरिज १–१ को बराबरीमा आएको छ । श्रीलंकाको जितमा दिमुथ करुनारत्नेले ५०, एङ्गेलो म्याथ्युजले नटआउट ४३ र किथुरुवान भिथानागे ३४ रनको योगदान गरे । यासिर साहले २ र जुल्फिकर बाबरले एक विकेट लिए ।
दोस्रो ईनिङ्गस्मा पाकिस्तान ३ सय २९ रनमा समेटिएपछि घरेलु टोलीले १ सय ५३ रनको लक्ष्य पाएको हो । अजहर अलीले १ सय १७, अहमद सेहजादले ६९ र युनिस खानले ४० रन जोडेपनि पछिल्लाक्रमका ब्याट्सम्यान चल्न नसकेपछि पाकिस्तान सस्तैमा समेटिएको थियो । कोलम्बोमा टस जितेर ब्याटिङ्ग गरेको पाकिस्तान पहिलो ईनिङ्गस्मा १ सय ३८ रनमा समेटिएको थियो भने श्रलिंकाले पहिलो ईनिङ्गस्मा ३ सय १५ रन जोडेको थियो ।
तेस्रो तथा निर्णायक टेष्ट आगामी शुक्रवार सुरु हुनेछ ।
