काठमाडौं,११ असार । ट्वान्टी २० विश्वकप क्रिकेटको अभ्यासका लागि लण्डनमा रहेको नेपाली राष्ट्रिय टोलीले आज दोश्रो अभ्यास खेल खेल्दैछ । छनौट खेल खेल्नु अघि ४ वटा अभ्यास खेल खेल्नु अघि लण्डन पुगेको क्रिकेट टोलीले स्थानिय टर्नब्रिज वेल्स फोरेस्टर्स क्लबसँग दोस्रो म्याच खेल्न लागेको हो । खेल नेपाली समय अनुसार साँझ पौने ६ बजे सुरु हुनेछ ।
यसअघि हिजो भएको पहिलो अभ्यासमा नेपाली टोली मिडल सेक्ससंग १४ रनले पराजित भएको थियो । १ सय ६५ रनको लक्ष्य पछ्याएको नेपालले निर्धारित ओभरमा ७ विकेट गुमाई १ सय ५० रनमात्र जोड्न सक्यो ।
सुभाव खकुरेलले ४६, ज्ञानेन्द्र मल्लले ४१, शरद भेषावकरले ३२ र राजेश पुलामी मगरले १७ रन जोड्नु बोहक अन्यले दोहोरो अंक छुृन सकेनन् । कप्तान पारस खड्का, ओपनर सागर पुन र प्रदीप ऐरी गोल्डेन डक आउट भएका थिए । यसअघि मिडलसेक्कले निर्धारित ओभरमा ४ विकेट गुमाई १ सय ६४ रन बनाएको थियो । जितेन्द्र मुखियाले २ र सोमपाल कामीले एक विकेट लिएका थिए ।
