रौटहट,९ असार । रौतहटमा आज बिहान एक प्रहरी जवानले आफनै कन्चटमा गोली हानेका छन् । पर्साको सिर्सिया घरभइ हाल रौतहटको रामपुरस्थित प्रहरी चौकीमा कार्यरत जवान २६ वर्र्षीय लालबाबु चौहानले कन्चटमा गोली हानेर आफुलाइ घाइते बनाएका हुन् ।
बिहान २ बजे देखि सेन्ट्रि ड्युटीमा खटिएका चौहानले पौने पाँच बजे राइफलले कन्चटमा गोली हानेको जिल्ला प्रहरी कार्यालय रौतहटले जनाएको छ । चौहानको गौरस्थित जिल्ला अस्पतालमा उपचार हुन नसकेपछि थप उपचारका लागि वीरगन्ज पठाइएको प्रहरी उपरिक्षक सानुबाबु थपलीयाले बताउनुभयो । चारदिनको विदापछि गत सोमबारमात्र ड्युटीमा फर्किएका उनले पारिवारिक विवादका कारण आत्महत्या प्रयास गरेको प्रहरीले अनुमान गरेको छ ।
