एजेन्सी । नर्वेमाथि २–१ को रोमाञ्चक जित निकाल्दै इङल्याण्ड महिला विश्वकप फुटबलको क्वाटरफाइनलमा प्रवेश गरेको छ । गएराती भएको खेल, पहिलो हाफ गोल रहित बराबरीमा सकिएको थियो । दोश्रो हाफको ९ औ मिनेटमा गोल गर्दै नर्वेले सुरुवाती अग्रता लिएको थियो । त्यसको सात मिनेटमै गोल फर्काउँंदै इङल्याण्डले खेल बराबरीमा पुर्याको थियो । खेलको ७६ औ मिनेटमा गोल थप्दै इङल्याण्ड क्वाटरफाइनलमा स्थान बनाउन सफल भएको हो ।
त्यस्तै आयोजक क्यानडापनि महिला विश्बकप फुटबलको क्वाटरफाइनलमा प्रवेश गरेको छ । उसले स्विजरल्याण्ड माथि १–० को संर्घषपूर्ण जीत निकाल्दै क्वाटरफाइनलमा स्थान बनाएको हो । ५४ हजार दर्शकले भरिएको मैदानमा क्यानडाले पहिलो हाफ गोलरहित बराबरी खेलेको थियो । ४४ प्रतिशत मात्र बल आफ्नो नियन्त्रणमा राखेको आयोजक क्यानडाले खेलको ५२ औ मिनेटमा निर्णायक गोल गरेको थियो ।
