काठमाडौं,८ असार । आईरल्याण्ड र स्कटलयाण्डमा हुने टि ट्वान्टि विश्वकप छनौट खेलका लागि अभ्यासमा व्यस्त नेपाली राष्ट्रिय टोली आज लण्डन जाँंदैछ । लण्डनको स्थानीय क्लबहरुसँंग ४ बटा अभ्यास खेल पछि नेपाली राष्ट्रिय टोली लण्डनबाटै नेदरलयाण्ड जाने कार्यक्रम रहेको छ ।
नेपालले नेदरल्याण्डसंँग त्यहाँं ४ बटा ट्वान्टि ट्वान्टि म्याच खेल्नेछ । नेदरल्यान्ड्ससँंगको खेलपछि नेपाल ट्वान्टी–२० को विश्व वरियतामा छिर्नेछ । नेपालले अहिलेसम्म चार ट्वान्टी–२० अन्तर्राष्ट्रीय खेल मात्र खेलेको छ । विश्व वरियतामा छिर्न आठवटा खेल खेलेको हुनुपर्ने आईसिसिको प्रावधान रहेको छ ।
चार खेल सकिएपछि नेदरल्यान्डबाट नेपाली राष्टी«य टोली विश्वकप छनोट खेल्नका लागि आयरल्यान्ड जानेछ । आयरलयाण्डमा नेपालले विश्व ट्वान्टी–२० छनोटको २ अभ्यास खेलसंगैं प्रतियोगिताको पहिलो चार खेल खेल्ने छ । नेपालले २०–ट्वान्टि विश्वकपको पहिलो छनौटअन्र्तगत जुलाई १० मा अमेरिकासंँग पहिलो खेल खेल्ने छ ।
त्यस्तै नेपालले जुलाई ११ मा नामिबिया, जुलाई १३ मा आयरल्याण्ड, जुलाई १७ मा हङकङ र जुलाई १८ मा जर्सिसंँग प्रतिस्पर्धा गर्नेछ । छनौट सकेपछि नेपाली टोली जुलाईको अन्तमा स्कटल्यान्डमा घरेलु टोलीसंँग विश्व क्रिकेट च्याम्पीयनसीपको दुई एकदिवसीय खेल खेलेर स्वदेश फर्कनेछ ।
