धादिङ,७ असार । धादिङ बैरेनी खोस्टेखोला पृथ्वी लोकमार्ग र त्रिभुवन अन्तर्राष्ट्रिय बिमानस्थलबाट प्रहरीले १ सय ९९ के.जी लागूऔषध चरेससहित ५ जनालाई पक्राउ गरेको छ । काठमाडौँबाट भारततर्फ जादै गरेको युपि ७७ टि ४८१३ नम्वरको डिआई गाडीबाट प्रहरीले आज धादिङ बैरेनी खोस्टेखोला पृथ्वी लोकमार्गबाट १ सय ९७ के.जी. चरेस सहित तीनजनालाई पक्राउ गरेको हो ।
यस्तै त्रिभुवन अन्तर्राष्ट्रिय बिमानस्थलबाट २ के.जी. चरेससहित २ जनालाई हिजो पक्राउ गरेको हो । यसैगरी स्विजरल्याण्ड जान लागेका पासपोर्ट नम्वर एक्स ४७५४७७४ बाहक ६२ वर्षीय वेट पार्लर नाम गरेका स्वीस नागरिक र कास्की लेखनाथ नगरपालिकाकी कल्पना सार्कीलाई प्रहरीले २ के.जी. लागूऔषध चरेससहित पक्राउ गरेको हो ।
