एजेन्सी । अलजजिरा टेलिभिजनका एक वरिष्ठ पत्रकारलाई जर्मनीले पक्राउ गरेको छ । इजिप्टको आग्रहमा आफ्ना वरिष्ठ पत्रकार अहमद मनसुरलाई जर्मनीले पक्राउ गरेको अलजजिरा टेलिभिजनले जनाएको छ ।
जर्मन अधिकारीहरुले इजिप्टले मनसुर माथि अन्तराष्ट्रिय पक्राउ पूर्जी जारी गरेकाले उसैको आग्रहमा पक्राउ गरिएको दावी गरेको छ । इजिप्टको उच्च अदालतले भने १५ वर्षअघिको मुद्धामा दोषी पाइएकाले उनीमाथि अन्तराष्ट्रिय पक्राउ पूर्जी जारी गरेको बताएको छ । उनलाई इजिप्ट र बेलायतको दोहोरो नागरिकता लिएको भन्दै अदालतले पक्राउ आदेश जारी गरेको थियो ।
