​बोको हरामको आक्रमणमा ४० जनाको हत्या

एजेन्सी । नाइजेरियाको आतङ्ककारी समुह बोको हरामले बुधबार बेलुकी र बिहीबार बिहान कम्तीमा पनि ४० सर्वसाधारणको हत्या गरेका छन् । नाइजेरियाको पुर्वी क्षेत्र लमाना र इङ्गोमाउनाका स्थानिय गाउँहरुमा सो हमला भएको हो । आक्रमणमा मृत्यु हुनेहरुमा बालबालिका र महिलाहरु रहेको अन्तराष्टिय संचार माध्यम अल जजिराले बताएको छ । आक्रमणमा दर्जनौँ व्यक्तिहरु नराम्ररी घाइते भएका छन् । उनीहरूलाई स्थानीय दिरा अस्पतालमा भर्ना गरिएको बताइएको छ ।