असार ४, एजेन्सी ।
कोपा अमेरिका कप फुटबल अन्र्तगत आज बिहान भएको खेलमा पेरु विजयी भएको छ । पेरुले भेनेजुएलालाई १–० ले पराजित गर्दै प्रतियोगितामा खाता खोलेको हो । पहिलो हाफ गोल रहित बराबरीमा सकिएपनि दोश्रो हाफको २७ औ मिनेटमा गोल गर्दै पेरुले भेनेजुएला माथि सो जित दर्ता गरेको थियो । जितपछि उसको दोश्रो चरण प्रबेशको सम्भाबना बलियो भएको छ । प्रतियोगिता अन्तरगत आज मेक्सिको र ईक्बेटर तथा चीली र बोलिभियाबिच प्रतिस्पर्धा हुनेछ ।
उता, महिला बिश्ब कप अन्र्तगत गएराती भएको खेलहरुमा ब्राजिल र दक्षिण कोरिया बिजयी हुदै दोश्रो चरणमा प्रबेश गरेका छन् । कोष्टारिका माथि १–० को जित निकाल्दै ब्राजिलले शत प्रतिशत नतिजा सहित नकआउट चरणमा स्थान बनाएको हो । त्यस्तै स्पेन माथि २–१ को जित निकाल्दै दक्षिण कोरियापनि नक आउट चरणमा स्थान बनाउन सफल बनेको हो । प्रतियोगिता अन्र्तगत भोलिबाट नकआउट चरणका खेलहरु सुरु हुनेछन् । भोलीको पहिलो खेलमा जर्मनी र स्विडेनबिच प्रतिस्पर्धा हुनेछ ।
