३० केजी चरेस सहित पक्राउ

बारा, ३ असार । नेपालबाट भारततर्फ लैजाँदै गरिएको लागूऔषध चरेससहित एक जनालाई प्रहरीले पक्राउ गरेको छ । पर्साको जगरनाथपर–५ बाट प्रहरीले आज बिहान ३० किलो चरेससहित सोही गाविस निवासी सोनुबाबुप्रसाद यादवलाई पक्राउ गरेको हो ।

पर्साको ग्रामीण भेगबाट खरिद गरिएको लागुऔषध भारतीय मोटरसाइकलमा लुकाइछिपाइ लैजाँदै गरेको अवस्थामा यादवलाई पक्राउ गरेको हो । चरेस र मोटरसाइकलसहित यादवलाई आवश्यक कारबाहीका लागि इलाका प्रहरी कार्यालय पोखरियामा राखिएको प्रहरीले जनाएको छ ।