असार ३, एजेन्सी ।
ईण्डिया र बंगलादेशबीचको तीन म्याचको वन डे क्रिकेट सिरिज आज सुरु हुँदैछ । पहिलो खेल नेपाली समय अनुसार, अपरान्ह पौने तीन बजे मीरपुरमा हुनेछ । युवा खेलाडिले भरिएको ईण्डियन टीमको नेतृत्व महेन्द्रसिंह धोनीले गर्नेछन् भने घरेलु टोलीको कमानी मसरफे मोतार्जाले सम्हाल्नेछन् । यी दुईबीचको एकमात्र टेष्ट क्रिकेट भने बर्षाले बारम्बार प्रभावित भएपछि बराबरीमा सकिएको थियो ।
यस्तै पाकिस्तान र श्रीलंकाबीचको पहिलो टेष्टको पहिलो दिनको खेल भने बर्षाले टस समेत नभई स्थगित भएको थियो । गालेमा भारी बर्षा भएपछि पहिलो दिनको खेल सम्भव नभएको हो । श्रीलंका भ्रमणमा रहेको पाकिस्तानले ३ वटा टेष्ट, ५ वटा वन डे र २ वटा Twenty\20 याच खेल्नेछ ।
