काठमाडौं,३१जेठ । राष्ट्रिय खेलकुद परिषद्को निमित्त सदस्य सचिवमा शकुन्तला नगरकोटी नियुक्त हुनुभएको छ । खेलकुद परिषद्को ६६ बर्षको इतिहसमा पहिलोपटक महिलालाई नियुक्त गरिएको हो । उहाँलाई आजैदेखि कार्यभार सम्हाल्नेगरी निमित्त सदस्य सचिवको जिम्मेवारी दिएको युवा तथा खेलकुदमन्त्री पुरुषोत्तम पौडेलले जानकारी दिनुभयो ।
नगरकोटी यसअघि परिषदकै सदस्य हुनुहुन्थ्यो । चार वर्षे कार्यकाल पुरा गरेर जेठ २८ मा युवराज लामा बिदा भएपछि रिक्त रहेको सो स्थानमा नगरकोटी आउनुभएको हो । नगरकोटी तीन महिनाअघि उपाध्यक्ष टेण्डी शेर्पासँगै मन्त्रिपरिषद्को निर्णयानुसार राखेपको सदस्यमा नियुक्त हुनुभएको थियो ।
