जेठ ३१, काठमाण्डौ । उच्च माध्यमिक शिक्षा परिषदले भूकम्पबाट अति प्रभावित सात जिल्लामा यसअघि स्थगित कक्षा ११ र १२ को परीक्षा तालिका आज सार्वजनिक गरेको छ ।
उच्च माध्यमिक शिक्षा परिषदका काठमाडौ प्रमुख जंगबहादुर अर्यालले दिएको जानकारी अनुसार कक्षा १२ को परिक्षा असार १४ देखि २३ गतेसम्म र कक्षा ११ को परीक्षा असार २४ गतेबाट असार ३१ सम्म सञ्चालन गरिन लागेको हो ।
भुकम्पले धेरै क्षति पुर्याएका कारण यसअघि धादिङ, गोरखा, नुवाकोट, काभ्रेपलाञ्चोक, सिन्धुपाल्चोक, दोलखा र रामेछापमा कक्षा ११ र १२ को परिक्षा संचालन हुन सकेका थिएन । अन्य ६८ जिल्लामा कक्षा १२ को परीक्षा जेठ २० गतेबाट शुरू भएर आइतबार सकिएको छ । ती जिल्लामा ११ को परीक्षा मंगलबारबाट शुरू हुँदैछ ।
