राजविराज, ३१ जेठ ः तीव्र गतिको माइक्रो अनियन्त्रित भई सप्तरीको देउरीभरुवा गाविसमा आइतबार दुर्घटना हुँदा ११ जना यात्रु घाइते भएका छन् । बिराटनगरबाट राजविराजतर्फ आउँदै गरेको को.१ज १०६२ नम्बरको माईक्रो बस वर्षाका कारण अनियन्त्रित भई देउरी भरुवा ५ स्थित सडकबाट तल खस्दा माईक्रोमा सवार ११ जना घाइते भएको सप्तरी प्रहरीले जनाएको छ ।
घाइतेहरुलाई उपचारका लागि राजविराजस्थित गनासिं सगरमाथा अञ्चल अस्पताल राजबिराजमा भर्ना गरिएको छ ।
