जेठ ३१, एजेन्सी ।
ईण्डिया र बंगलादेशबीचको एकमात्र टेष्ट क्रिकेट बराबरी उन्मुख भएको छ । बर्षाले बारम्बार प्रभावित भएपछि यी दुईबीचको एकमात्र खेल बराबरी उन्मुख भएको हो । आज अन्तिम दिन समेत फतुल्लाहमा पानी परेपछि पहिलो सत्रको खेल हुन सकेन । चौथो दिनको खेलको समाप्तिमा घरेलु टोली बंगलादेशले ३ विकेट गुमाई १ सय ११ रन जोडेको थियो । दोस्रो सत्रको खेल जारी रहँदा बंगलादेशले थप एक विकेट गुमाएको छ ।
बर्षाका कारण पहिलो दिन ५६ ओभरमात्र सम्भव भएको थियो भने दोस्रो दिनको खेल पुरै अवरुद्ध बनेको थियो । तेस्रो दिन ४७ दशमलब ३ र चौथो दिन ३० दशमलब १ ओभरमात्र खेल सम्भव भएको थियो । फतुल्लाहमा टस जितेर ब्याटिङ्ग गरेको भ्रमणकारी टोली ईण्डियाले पहिलो ईनिङ्गस् ८ विकेटको क्षतिमा ६ सय ६२ रनमा डिक्लियर गरेको थियो ।
