ताप्लेजङ पहिरोमा परी मृत्यु हुनेको संख्या २७ पुग्यो , ३० भन्दा बढी बेपत्ता
ताप्लेजङ,२९ जेठ । ताप्लेजुङमा पहिरोमा फसेकाहरुको उद्धार कार्य उद्धारकार्य मौसम प्रतिकुलताको कारण पुन प्रभावित भएको छ । हिजो दिनभर पानी परेपनि आज बिहानैबाट तीन वटा हेलीकप्टर सहित नेपाली सेना, नेपाल प्रहरी, शसस्त्र प्रहरी र स्थानीय बासिन्दाले पहिरोमा हराइरहेकाहरुको खोजि तीब्र पारेका हुन । आज बिहान मात्र थप तीन जनाको शव फेला परेको सभासद डम्बरध्वज तुम्बाहाम्फेले जानकारी दिनुभयो । यो सँगै मृत्यु हुनेको संख्या २७ पुगेको छ । अझै ३० भन्दा हराइरहेको तुम्बाहाम्फेले बताउनुभयो । यसैबिच नेपाली काँग्रेसले ताप्लेजुङमा अविरल वर्षासँगै गएको पहिरोमा परी हराइरहेका व्यक्तिहरुको खोजी तथा घाइतेहरुको उपचारको प्रवन्ध मिलाउन सरकारलाई आग्रह गरेको छ । काँग्रेसले आज एक विज्ञप्ती निकाल्दै पहिरोबाट पीडित परिवारजनहरुलाई तत्काल राहत र सहयोग गर्न पनि सरकारलाइ आग्रह गरेको हो ।
