काभ्रे,२९ जेठ । काभ्रेको उग्रचण्डी नाला भगवतीको मूर्तिको शिलाबाट साढे सात महिनापछि फेरि पसिना आएको छ । दर्शनार्थीहरुले आज मध्यान्ह १२ बजे भगवतीको शिलाबाट एक्कासी पसिना आएको देखेका हुन । भगवतीलाई पसिना आएपछि मुलुकमा अनिष्ट हुने किंवदन्ती भएकाले स्थानीय त्रसित बनेका मन्दिरका पूजारी कृष्णगोपाल कर्माचार्यले जानकारी दिनुभयो । पुजारीका अनुसार दुई महिला भक्तजनले पूजा गर्ने क्रममा कामेपछि शिलामा पसिना आएको हो । यसअघि २०७१ कातिक १५ गते पनि मुर्तीको शिलाबाट पसिना आएको थियो ।
